Sepleriň elýeterliligi

Soňky habar
Göni efirde

​Owganystanda silden 42 adam öldi


Owganystanyň demirgazygynda we günbatarynda agyr gelen sil sebäpli azyndan 42 adam öldi we başga-da onlarçasy ýitirim boldy.

Owganystanyň demirgazygynda ýerleşýän Jowjan welaýatynyň Şybyrgan şäherinde azyndan 16 adam öldi. Bu şäheriň ilatynyň aglabasy türkmenlerden ybaratdyr.

25-nji aprelde gijäň ýary Koş Depe, Darzab we Hoja Do Koh etraplarynda bolan sil joşgunyndan soň, başga-da onlarça adam ýitirim boldy.

Jowjan welaýatynyň häkiminiň orunbasary Abdul Rahman Mahmoudi Darzab welaýatynda dokuz obanyň ýumrulandygyny habar berýär.

Şeýle-de, ol wakanyň bolan ýerindäki adamlary halas etmek üçin dikuçarlaryň ulanylýandygyny aýtdy. Mahmoudiniň sözlerine görä, bu soňky 30 ýylyň dowamynda sebitde bolan iň ýaramaz sil joşgunydyr.

Iň soňky teswirler

Iň soňky teswirler
XS
SM
MD
LG