Aktiwistiň dogany Türkmenistandan goýberilmedi

Düýbi Wenada ýerleşýän adam hukuklaryny goraýjy “Türkmen Inisiatiwasy” guramasynyň ýolbaşçysy Farid Tuhbatulliniň doganyna Türkmenistanyň daşyna syýahat etmek gadagan edildi. Adam hukuklaryny goraýjy “HRW” we “Amnesty International” guramalarynyň ýaýradan beýannamasyna görä, Ruslan Tuhbatullin 10-njy aprelde Aşgabatdan Stambula uçmakçy bolanda serhet gözegçileri onuň özüniň we 9 ýaşly oglunyň atlarynyň ýurtdan çykmagy gadagan edilen adamlaryň sanawynda görkezilendigini aýdyp, ýurtdan çykarmandyrlar.

Azatlyk Radiosy adam hukuklaryny goraýjy Farid Tuhbatullin bilen söhbetdeş bolup, onuň öz doganynyň ýüzbe-ýüz bolan ýagdaýy barada gürrüň bermegini sorady.