‘Ukrainadaky saýlawlar azat we açyk’
Ýewropada Howpsuzlyk we Hyzmatdaşlyk guramasynyň gözegçileri 27-nji oktýabrda Kiýewde metbugat-konferensiýasyny geçirip, Ukrainadaky parlament saýlawlarynyň “azat we açyk” bolandygyny aýtdylar. Gözegçiler Ukrainanyň gündogarynda separatistleriň gözegçiligindäki regionlarda we Orsýet tarapyndan anneksiýa edilen Krymda ses berişligiň geçirilmändigine garamazdan, saýlawlarda ses berijilere saýlamaga “hakyky mümkinçilik” berlendigini we ses berişligiň açyk-aýdyň bolandygyny bellediler. Saýlawlarda Ýewropa tarapdar partiýalar ýeňiş gazandy.