Eýranyň Yslam rewolýusiýasy gwardiýasynyň korps komandiri Saud Arabystanynyň Siriýa goşun ibermäge gaýraty ýok diýdi.
"Olar [Siriýa] goşun iberjek diýýärler, emma men olar muňa het eder öýtmeýärin” diýip, 6-njy fewralda Yslam rewolýusiýasy gwardiýasynyň korps komandiri Mohammad Ali Jafariniň aýdan sözleri sitirlendi.
Jafari bu sözleri Eýranyň regional bäsdeşi Saud Arabystanynyň Siriýadaky «Yslam döwleti» ekstremist toparynyň jeňçilerine garşy gury ýer operasiýalaryna goşulmaga taýýardygy barada aýdan sözlerine jogap hökmünde aýdypdyr.
Saud Arabystany, eger-de ABŞ-nyň ýolbaşçylygyndaky harby ýaranlyk Siriýada gury ýer operasiýalaryna başlasa, özüniň hem olara goşuljagyny duýdurypdy.
“Bu olar üçin ölüm zarbasy ýaly bolar. Görnüşinden, olar şundan başga çykalga görmeýärler, eger şeýle bolsa, olaryň kysmaty öňünden belli" diýip, Jafari aýtdy.
Eýran söweşijileri Siriýada eýýäm söweşip ýörler we soňky hepdelerde olaryň onlarçasy wepat boldy.
Eýran mediasy olaryň meýletinçilerdigini aýdýar.
Tähran ol ýere diňe regional ýarany, Siriýanyň prezidenti Başar al-Assada goldaw üçin, «harby geňeşçileri» ýollandygyny aýdýar.
Эгер Бердимухаммедов хакыкатдан хем халкынын аладасыны эдйан президент болса , спутник вакцинасыны озлери алмалы ,ягны халкы ынандырмалы хакыкатданам шу вакцинанын хич хили побочный явлениесинин ве противопоказаниесинин екдыгыны субут этмели. Йоне Озлерине витамин урдырып вакцина урдыран ялы болманы ,инуграция доврундаки дунйан онунде эден касамыны , хемде берен вадаларыны ятлап ! Ондан башга-да Германиядан , Америкадан ве Хытайдан гошмача вакцина алмалы мейлетинлер учин ! Дунйаде дине Путин ве Кремльин олигархларындан башга-да адамлар яшаяндыгыны унутмалы дал . Достлыкдан чыкян тебигы байлыкларымызам шолара багыш эдйарлер .Венесуэлин ролыны инди Путин Туркменистанда ойнап , берилен санкциялара гаршы резервлерини беркитйармыка?