Gyrgyzystanyň günorta şäheri Oşa ýerli saýlawlardan we planlaşdyrylan protestlerden öň 3 müň çemesi polisiýa ofiseri eltildi.
Oşuň regional polisiýa bölüminiň sözçüsi Jeniş Aşyrbaýew Azatlyk radiosyna Oşuň merkezi meýdançasyndaky polisiýa ofiserlerine 22-nji martda 2 müň çemesi meýletinçiniň hem goşulandygyny aýtdy.
Aşyrbaýewiň sözlerine görä, polisiýa ofiserleriniň we meýletinçileriň şäher merkezine getirilmegi 27-nji marta bellenen ýerli saýlawlardan öň planlaşdyrylan howpsuzlyk tälimi bilen bagly.
Oppozisiýa toparlary bu şäherde 24-nji martda köpçülikleýin protest geçirjekdiklerini yglan etdiler.
22-nji martda oppozisiýa goldawçylary günortadaky başga bir şäherde, Kerbende toplanyp, hökümeti gyrgyz-özbek serhedindäki oňuşmazlyklary çözüp bilmezlikde tankytladylar.