Özbegistan garaşsyzlygynyň 25-nji ýyl dönümi mynasybetli geçiriljek baýramçylyk çäreleri sebäpli Gyrgyzystan bilen serhedini wagtlaýyn ýapdy.
Gyrgyzystanyň serhet gözegçilik gullugy serhediň 22-nji awgustda ýapylandygyny aýtdy.
Serhet gullugynyň aýtmagyna görä, serhediň ýapylmagyndan öň Özbegistana geçen gyrgyz raýatlaryna yzyna dolanmaga mümkinçilik beriler. Şeýle-de daşary ýurtlularyň, diplomatik missiýalaryň we halkara guramalarynyň serhetden geçmegine rugsat beriljekdigi aýdylýar.
Serhediň haçan açyljagy aýdylmaýar.
Özbegistan garaşsyzlyk baýramyny 1-nji sentýabrda belleýär.