Azat Ýewropa/Azatlyk Radiosy (AÝ/AR) Ýewropanyň Adam hukuklary boýunça suduna (ECHR) ýüzlenip, Azerbaýjanyň hökümeti tarapyndan öňe sürlen we kompaniýanyň sözlerine görä, “ýurduň içinden tas üç ýyl bäri habar berilmegini böwetleýän” aýyplamalar bilen baglylykda çözgüt tapmagy sorady.
AÝ/AR 13-nji sentýabra çap eden beýanatynda Strasburg suduna iýun aýynda ýüz tutandygyny mälim etdi.
Ýüzlenmede Ýewropanyň Adam hukuklary boýunça konwensiýasyna salgylanylyp, onuň zerur wagtyň dowamynda adalatly suda bolan hukuklary hem kanun taýdan goralmak hakyny kepil geçýändigi bellenýär.
2014-nji ýylyň dekabr aýynda AÝ/AR-nyň Bakuwdaky býurosy salgytdan gaçmak aýyplamasynyň esasyndaky iki sany iş bilen baglylykda döwlet gulluklarynyň reýdlerine sezewar edilipdi we ýapylypdy.
AÝ/AR bu aýyplamalary “esassyz” atlandyrýar.
“Biz bu işleri Azerbaýjanyň adalat sistemasynyň üsti bilen anyklaşdyryp bilmedik” diýip, AÝ/AR-nyň prezidenti Tomas Kent beýannamada belleýär.