Täjigistanly telekeçiler üçin ýük daşaýan eýranly ulag sürüjileriň biriniň aýtmagyna görä, Türkmenistanyň serhetçileri we gümrükçileri Täjigistana barýan ýük ulaglarynyň türkmen territoriýasyndan geçmegine "rugsat" alandygyny aýdypdyr.
Eýran-türkmen serhedinde içi harytly iki sany ýük ulagyny geçirip bilmedik bir täjik telekeçisi rugsadyň bir sagat çemesi ozal berlendigini we ilkinji iki sany ulagyň serhetden geçendigini Azatlyk Radiosyna habar berdi. Onuň sözlerine görä, ulag sürüjiler çykgynsyz ýagdaýda Täjigistana alternatiw ýoldan Azerbaýjanyň üsti bilen gitmek üçin zerur dokumentleri taýýarlamakçy bolupdyr.
Munuň bilen bir wagtda Täjigistanyň Transport ministrliginde bu ýagdaý barada gysga wagtda kommentirlemegi Azatlyk Radiosynyň Täjik gullugyna wada berdiler.
Täjik ýük ulaglarynyň türkmen territoriýasyndan geçmegine degişli gadagançylyk awgust aýynyň aýagyndan bäri saklandy. Bu ýagdaý barada Azatlyga 2-nji sentýabrda serhetden geçip bilmedik ulag sürüjileri habar beripdi. Olar türkmen serhetçileriniň bu gadagançylygyň sebäplerini düşündirmändigini bellediler.
Diňe bir Lýutfabad-Artyk serhet geçelgesinde 100 çemesi ýük ulagy saklanypdy. Olar esasan Türkiýeden we Eýrandan haryt daşaýarlar.
BU MAGLUMATYŇ ÜSTI ÝETIRLER .
EGER SIZ TÄJIK ÝÜK ULAGLARYNYŇ TÜRKMENISTANYŇ GIŇIŞLIGINDEN GEÇIŞINE ŞAÝAT BOLSAŇYZ, BIZ BILEN HABARLAŞMAGYŇYZY HAÝYŞ EDÝÄRIS. BIZ BILEN WAÝBER, WATSAPP, IMO ÝA-DA TELEGRAM ÜSTI BILEN ŞU NOMER BOÝUNÇA HABARLAŞYŇ: +420 724 053 959
Kimisi çörek tapmaz iymage, kimisi Tesla alar münmage.. Muna Türkmenistan diyerler.
elita jaýlylar bir däl, iki, üç jaý alyp, dükan açyp hem bilýärler. tutulan rekrorda gördüňiz. kimler üçin jennet, kimler üçin dowzah boldy ýurt, ýöne yzdakyda köp adam ejir çekýär.
Düýn, ýagny 21.11.20 güni Türkmenabat şäheriniň Gök bazaryna şäher polisiýa işgärleri raýatlary tutyp, jerime salmak planyny dolmak üçin ýörite awtobus tutynyp gelip, gözegçilik etdiler. Olar diňe bir maska geýmedigi tumaga gözegçilik etmän, eýsem -8 gradus sowukda ertir ir sagatlardan başlap, nobata durup, işi 09-da başlaýan bank işgärleriniň bankamatlary doldurmagyna garaşyp duran bazaryň içindäki ýarym boş bankamatlaryň öňünde duran raýatlara hem gönüden-güni we gizlin raýat eşiginde eli rasiýaly gözegçilik etdiler. Ýakyndan bäri Türkmenabadyň ähli bankomatlaryna polisiýa işgärlerini gözegçilik etmäge borçly etdiler. Indi ähli raýatlar, eger bankomatdan pul çekjek bolsalar, onda ýanynda hökman raýat pasporty bolmaly we şony polisiýa işgärine görkezip, pul çekmäge rugsat almaly. Munuň sebäbi bankomatlarda aralykçy adamlar tapylyp, her raýatyň puluny çekip bereni üçin 20-30 manat alyp, gazanç edýänler tapylan. Bir adamyň elinde birnäçe bank kartlaryny gören raýatlar bu ýagdaýdan nägile bolup, bankomatlaryň öňünde dawalar köpelip başlan.