Sepleriň elýeterliligi

Soňky habar

Senatorlar ABŞ güýçlerine hemaýat beren owganlara wiza bermek taslamasyny hödürleýärler


Demokratik senator Jeanne Şaheen öz, şol sanda Respublikan kärdeşleri bilen kanun taslamasyny hödürledi.
Demokratik senator Jeanne Şaheen öz, şol sanda Respublikan kärdeşleri bilen kanun taslamasyny hödürledi.

ABŞ-nyň hem Respubilikan, hem-de Demokratik senatorlary Owganystandaky uruş döwri amerikan güýçlerine hemaýat beren we bu sebäpli häzir janlaryna howp abanýan owganlara Birleşen Ştatlaryň wizasyny bermek baradaky kanun taslamasyny goldap çykyş etdiler.

Kanuna laýyklykda, 30-njy sentýabra çenli 4 müň sany Ýörite Migrant Wizasy çykarylar.

ABŞ-nyň Milli Jemgyýetçilik Radiosynyň 1-nji maýda beren maglumatyna görä, prezident Donald Trampyň administrasiýasy, öz janlaryny orta atyp, ABŞ-nyň güýçlerine goldaw beren owganlara berilmeli wizalaryň möçberini 60% kemeldipdir.

Geçen ýyl 1 müň 650 Ýörite Migrant Wizasy berlen bolsa, ondan ozalky ýyl bu san 4 müňe deň bolupdy.

ABŞ-nyň Owganystandaky missiýasynyň ýolbaşçysy armiýa-generaly Austin Miller hem kanun taslamasyny goldap, ýörite hat ýollady.

XS
SM
MD
LG