2-nji sentýabrda Moskwada kanun goraýjy häkimiýetler üç gün ozal geçirilen, rugsat berilmedik ýörişe gatnaşandygy üçin üç oppozision aktiwisti tussag etdi. Bu barada aktiwistleriň sosial mediada çap eden maglumatlarynda aýdylýar, şeýle-de olaryň kärdeşleri, ýerli media serişdeleri habar berýärler.
Kremliň tankytçysy Alekseý Nawalnynyň Korrupsiýa garşy fondunyň aklawçysy Lýubow Sobol Moskwanyň etegindäki etrap polisiýa merkezine alnyp gidildi diýip, toparyň metbugat wekili aýtdy.
31-nji awgustda Sobol öňünden rugsat berilmedik ýörişe gatnaşan protestçileriň tussag edilmegini “bidüzgünçilik” diýip häsiýetlendirip, muny amala aşyrmakda şäher hökümetini aýyplapdy.
Şeýle-de, ýerli kanunçykaryjy we “Nowaýa Gazetanyň” žurnalisti Ilýa Azar hem tussag edildi.
“Olar [polisiýa] meni öý eşigimde we köwşümde ulaga alyp gitdiler” diýip, Azar ýazdy.