Türkmenistanyň banklary daşary ýurda pul ibermegi kynlaşdyrýan täze talaplary girizýär

Türkmenistanyň banklary daşary ýurtlara pul geçirjek bolýan raýatlar üçin talaplaryny üýtgetmegini dowam etdirýärler. Bank üsti bilen pul ugratmak ýa-da daşary ýurtlarda ulanyp bolýan plastik kartlara degişli hasaplara pul salmak isleýän müşderilerden talap edilýän resminamalaryň sanawynyň yzygiderli üýtgemegi, puluň mukdarynyň çäklendirilmegi ýurduň raýatlarynyň, esasanam daşary ýurtlarda okaýanlaryň durmuşyny kynlaşdyrýar. Azatlygyň habarçylary talaplaryň ýene üýtgändigini 13-nji oktýabrda habar berdiler.