Çärjewiň saglyk pudagy gürelýän COVID sebäpli ‘çagşaýar’. Ilat derman üçin ‘öý goşlaryny satýar’
Türkmenistanda koronawirusyň esasy ojaklarynyň birine öwrülen – Lebap welaýatynda ölüm howply ýokanjyň delta ştammy gürelýär. Munuň bilen baglylykda, COVID-19 bilen keselleýänleriň, ondan ölýänleriň sany hem artýar. Welaýatyň köp sebitlerinde, şol sanda merkezi Türkmenabat şäherinde hem keselhanalar, şol sanda soňky döwürden bäri Tiz kömek gulluklary hem saglyk ýagdaýlary barha ýaramazlaşýan hassalaryň uly bölegine hemaýat berip bilmeýärler.
