Teke bazarda et satylanda ýakalaşyk boldy

Türkmenistanda ilatyň azyk üpjünçiliginiň gitdigiçe ýaramazlaşmagy ilat arasynda nägileligiň we dawalaryň ýüze çykmagyna sebäp bolýar. Köpden bäri satuwda bolmadyk önümleriň satylan wagtynda döreýän ullakan nobatlarda yzygiderli dawa-jenjel we ýakalaşyklar bolýar. 7-nji dekabrda Aşgabadyň bazarlarynyň birinde sygyr we towuk etiniň satylan wagtynda alyjylaryň arasynda ýakalaşyk emele geldi.