Balkanda dört raýatda "omikron tapyldy", çäklendirmeler has-da güýçlendirilýär

Türkmenistanyň Balkan welaýatynda koronawirusyň ýaýramagyna garşy girizilen karantin çäklendirmeleri has-da güýçlendirilip başlandy. Habarçymyz bilen söhbetdeş bolan saglyk işgäri munuň sebäpleriniň Gazagystandan gelen türkmen raýatlarynda COVID-19-yň "omikron" görnüşiniň tapylmagy bilen baglanyşyklydygyny aýtdy. Bu waka ýurduň çäginde koronawirusyň hasaba alynmandygyny tekrarlaýan türkmen prezidentiniň "omikronyň" serhetden geçmeginiň öňüni almagy buýuran mahalyna gabat geldi.