Eýranda türkmenleriň köplük bolup ýaşaýan sebitinde ‘çaknyşyk boldy’

Eýranyň demirgazygyndaky Gülistan welaýatynda, ilat arasynda Türkmensähra atlandyrylýan sebitde etniki türkmenler bilen etniki zabullaryň arasynda çaknyşyklaryň bolandygy, şeýle-de ýagdaýlara kanun goraýjy güýçleriň goşulandygy barada maglumatlar peýda boldy. Bu barada turkmen.news neşiri we Türkiýäniň Kafkassam saýty habar berýär. Azatlyk öz çeşmelerine bu ýagdaýlary häzirlikçe doly tassykladyp bilmedi.