Balkanda 'dedowşina' zerarly sekiz esger harby gullukdan gaçdy

Balkan welaýatynyň Serdar harby birikmesindäki "ýowuz dedowşina sebäpli", çagyryş boýunça harby gulluk borjuny ýerine ýetirýän sekiz esger aýry-aýrylykda harby gullukdan gaçdy. Türkmenbaşy-Aşgabat ýolunda saklanan esgerler türme tussaglygy bilen gorkuzylýan mahaly, "dedowşinany" amal edendigi aýdylýan esgerleriň temmi berýän batalýonda üç gün saklanjakdygy aýdylýar. Bu barada harby gullukdan gaçan esgeriň enesi we ýagdaýdan habarly çeşmämiz Azatlyk Radiosynyň sebitdäki habarçysyna gürrüň berdi.