Doňaklyk mal iýmine bolan talabyň artmagyna, onuň bahasynyň 50% gymmatlamagyna getirdi

Türkmenistanyň dürli sebitlerinde saklanyp galýan adatdan daşary sowuk howa iri we ownuk şahly mallara agyr zarba urmagyny dowam etdirýär. Mary welaýatyndaky çarwadarlar öri meýdanlardaky doňaklykda mallary goşmaça ot-iým we suw bilen üpjün edip, olaryň haram ölmeginiň öňüni almaga çalyşýarlar. Bu bolsa, mal iýminiň bahasynyň ýokarlanmagyna getirdi. Bu aralykda, Aşgabatda ilat suw we elektrik üpjünçiliginiň kesilmegi, ýyladyş ulgamlarynyň hatardan çykmagy bilen ýüzbe-ýüz boldy.