GDA-nyň baş sekretary Sergeý Lebedew 22-nji martda Aşgabatda Merkezi saýlaw toparynyň başlygy Gulmyrat Myradow bilen duşuşyp, Türkmenistanyň Mejlisiniň deputatlarynyň, welaýat, etrap, şäher halk maslahatlarynyň we Geňeşleriň agzalarynyň saýlawlaryna görülýän taýýarlyklar bilen tanyşdy.
Hökümetçi neşiriň maglumatyna görä, Sergeý Lebedew ýakynda geçiriljek saýlawlaryň ýurduň raýatlarynyň jemgyýetçilik-syýasy işjeňligini ýene-de bir gezek görkezjekdigine ynanýandygyny aýdypdyr.
GDA-nyň synçylar topary Türkmenistanda geçirilýän saýlawlara we beýleki jemgyýetçilik wakalaryna sekizinji gezek synçylyk edýär we, metbugat habarlaryna görä, saýlawlaryň ýokary guramaçylykda geçirilýändigini tassyklaýar.
Azatlygyň habarçylary ýurtda geçiriljek saýlawlara saýlawçylaryň biperwaý garaýandygyny aýdýarlar.
Türkmenistanda şu wagtda çenli abraýly halkara guramalary tarapyndan azat we adalatly diýlip baha berlen saýlaw geçirilmedi.