Russiýanyň Ukrainada söweş hereketlerini dowam etdirýän pursady, prezident Wladimir Putin Moskwanyň özüniň ýakyn ýarany Belarusyň territoriýasynda taktiki ýadro ýaragyny ýerleşdirmek boýunça ylalaşyga gelendigini aýtdy.
Russiýanyň döwletiň eýeçiligindäki TASS gullugynyň 25-nji martdaky maglumatynda Putiniň bu ädimde “hiç hili adaty bolmadyk” ýagdaýyň ýokdugyny aýdan sözleri getirildi.
ABŞ-nyň Goranmak departamenti Putiniň çykyşyndan habarlydygyny we ýagdaýlara gözegçilik edýändigini aýtdy. Ol özüniň ýadro durumynyň bada-bat üýtgedilmegi boýunça sebäpleri görmeýändigini, şeýle-de Russiýanyň bu ýaraglary ulanmaga taýýarlyk görýändigi barada yşaratlaryň ýokdugyny aýtdy.