Ysraýylyň premýer-ministri Benýamin Netanýahu 25-nji dekabrda Hamasa, ABŞ we ÝB tarapyndan terror guramasy diýlip kesgitlenen topara garşy söweşi dowam etdirjekdigini aýtdy, palestinalylar 100-den gowrak adamyň ýasyny tutdy.
Gazanyň saglyk işgärleri bu adamlaryň öten agşam, Ysraýylyň eden howa hüjümleri netijesinde öldürilendigini aýtdylar.
Netanýahu öz Likud partiýasynyň kanun çykaryjylaryna ýüzlenip, urşuň entek bes edilmekden daşdadygyny aýtdy we hökümetiň söweşi togtadyp biljekdigi baradaky çaklamalary, metbugat gep-gürrüňleri hökmünde, ret etdi.
Ol Ysraýylyň harby basyş etmezden ýesirlikde galan zamunlary boşadyp bilmejekdigini aýtdy.
"Roýters" habar gullugynyň Müsüriň howpsuzlyk gullugyndaky çeşmelerine salgylanyp ýazmagyna görä, Hamas we “Yslam jihady” toparlary Müsüriň Gaza zolagynda häkimiýetden el çekmegiň deregine atyşygyň hemişelik bes edilmegi barada eden teklibini ret etdi.