BMG-niň ýadro gözegçilik gullugy Ukrainadaky Zaporižýa ýadro desgasynyň birnäçe bölegini elin barlamak meselesinde “öňegidişlik gazanýar” diýip, Halkara atom energiýasy agentliginiň başlygy Rafael Grossi 7-nji iýulda aýtdy.
Ukraina bu desganyň ruslar tarapyndan minalanandygyny öňe sürýär.
Ukraina bilen Russiýanyň birek-biregi bu ýerde prowokasiýa meýilleşdirmekde aýyplamagy Ýewropanyň iň uly ýadro desgasynda radioaktiw betbagtçylygyň döremek ähtimallygy baradaky aladalary güýçlendirdi.
Grossi şu hepdäniň başynda öz ýolbaşçylygyndaky gözegçilik gullugynyň bu desganyň iki reaktor bölüminiň üçegine, turbina zallarynyň we sowadyş ulgamlarynyň böleklerine girmek mümkinçiliginiň döredilmegini sorandygyny aýtdy.
"Meniň pikirimçe, biz öňegidişlik gazanýarys" diýip, ol 7-nji iýulda Tokioda aýtdy.