Orsýet ukrain saýlawlaryny ykrar eder
Orsýetiň daşary işler ministri Sergeý Lawrow Orsýetiň Ukrainadaky saýlawlaryň netijelerini kabul etjekdigini aýtdy. 27-nji oktýabrda eden çykyşynda Lawrow prezident Petro Poroşenkonyň syýasy blogynyň täze parlamentde esasy güýçleriň biri bolmagy sebäpli, Orsýetiň dialog üçin partnýorynyň boljagyna özüniň ynanýandygyny aýtdy. Günbatar Orsýeti Ukrainanyň gündogaryndaky separatistleri ýarag we harbylar bilen goldamakda aýyplaýar. Moskwa bu aýyplamalary ret edýär.