Türkmenistanly türgen Anamjan Rustamowa agyr atletika boýunça Kataryň Doha şäherinde geçirilen Gran-pri II ýaryşynda kümüş medaly aldy.
Ol 87 kilograma çenli agram derejede çykyş edip, ştangany silterläp götermekde 105 kilogram, itekläp götermekde 126 kilogram, iki görnüşiň jemi boýunça 231 kilogram netijäni görkezdi.
4-14-nji dekabr aralygynda geçen bu ýaryş 2024-nji ýylda Parižde geçiriljek Olimpiýa oýunlarynyň saýlama tapgyrydyr.
Mundan öň, bu ýaryşyň çäklerinde türkmenistanly türgenler, ýagny 96 kilograma çenli agram derejede Şahzadbek Mätýakubow altyn, 67 kilograma çenli agram derejede Bunýad Raşidow we 81 kilograma çenli agram derejede Gaýgysyz Töräýew bürünç medallara mynasyp bolupdylar.