Lebapda ak reňk mejburylygyna degişli ýene bir talap güýje girizilýär

Türkmenistanda dowam edýän ykdysady kynçylyklaryň we global pandemiýanyň arasynda, Lebabyň häkimiýetleri ak reňk mejburylygyna degişli ýene bir talaby güýje girizmegi planlaşdyrýarlar. Türkmenabat we Farap şäherlerindäki köp we dört gatly ýaşaýyş jaýlarynyň girelgelerindäki gapylary ak reňke çalyşmak hem-de fasadlary ak reňke boýamak talap edilýär. Ak reňkiň propagandasyna degişli bu talaby ýaşaýjylaryň hasabyna amal etmek göz öňünde tutulýar.