Azatlyk Radiosynda Türkmenistan bilen bagly syýasy-ykdysady, sosial-medeni täzelikler barada taýýarlanýan gündelik makalalary okap, wideolara we fotosergilere tomaşa edip bilersiňiz.
Aşgabadyň merkezinde köpgatly ýaşaýyş jaýlaryň onlarçasynyň daşyny bir watda mermere meňzeş ak material bilen bezemek boýunça işleriň başlanmagyna bir ýyl çemesi wagt boldy.
Orsýetiň daşary işler ministri Sergeý Lawrow ABŞ-nyň döwlet sekretary Jon Kerrini we beýleki günbatar resmilerini Moskwanyň garşysyna goşmaça sanksiýa girizmek haýbatyny atmakda tankyt etdi.
Owganystanyň Badgys welaýatynyň Marçak etraby iki ýyldan bäri "Talyban" toparynyň gabawynda saklanýar. Arada "Talyban" ýerli ilat ummasyz pul töländen soň yza çekilipdir.
Ukrainanyň harbylary orsýetçi separatistleriň ok atyşygy bes etmek barada täze gelnen ylalaşygy bozmagynyň dowam edýändigini, emma munuň soňky günlerde gowşandygyny aýtdylar.
Internetde ýaýradylan ýüzlenmede bu wideo-ýüzlenmäniň 2013-nji ýylyň 2-nji maýynda surata düşürilendigi bildirilýär. 6 minuda golaý wideoda bir azerbaýjanly Siriýada köp azerbaýjanlynyň jyhada gatnaşýandygyny aýdýar.
Türkmenistanyň prezidentiniň öz sözi bilen aýdylanda diňe bir Aşgabadyň özünde açylyp, ulanylmaýan 37 sany desga bar. Aşgabatda gurulyp, ençeme wagtlap ulanylman duran ýaşaýyş jaýlar hem az däl.
Türkmenistanyň prezidentiniň ýakyn günlerde aýtmagyna görä, tutuş ýurt boýunça 140 çemesi täze desga ulanylyşa berilipdir, emma işlemän dur. Resmi maglumatlara görä, olardan 15-i Balkan welaýatyna degişli.
Awstriýanyň sudy we resmileri Rahat Aliýewiň öz-özüni öldürenden soň, Wenanyň türmesinde öli tapylandygyny aýdýarlar. Aliýew gazak prezidenti Nursultan Nazarbaýewiň öňki giýewisidir.
Düýbi Birleşen Ştatlarda ýerleşýän Arbitraž sudy Türkmenistanyň türk kompaniýasynyň 300 million amerikan dollary möçberindäki şikaýatyny ýuridiki taýdan ret etmesini ýerliksiz tapdy.
ABŞ-nyň döwlet sekretary Jon Kerri we Eýranyň daşary işler ministri Mohammad Jawad Zarif Tähranyň ýadro programmasy boýunça gepleşikleriniň ikinji gününi geçirýärler.
19-njy fewralda Türkmenistanyň döwlet baýdagynyň güni ýurduň birinji prezidenti Saparmyrat Nyýazowyň doglan gününe gabat gelýär. Şu ýylyň baýramçylyk dabaralarynda Nyýazowyň ady hiç bir ýerde agzalmady.
Kiýewde bir ýyl öň hökümete garşy protestçiler bilen howpsuzlyk güýçleriniň arasynda bolan ganly çaknyşyklarda pida bolanlar ýatlanýar. 2014-nji ýylyň 18-21-nji fewraly aralygynda 100-den gowrak adam öldürildi.
Kiýew, gündogar Ukrainada ok atyşygy bes etmek barada ylalaşygyň durmuşa geçirilmegine BMG-niň ygtyýarnamasyna eýe bolan parahatçylygy goraýjylary çagyrdy.
Türkmenistanda 1994-nji ýylyň dekabrynda ykrar edilen baýdak baýramy döwlet derejesinde bellenýär. Bu sene ýurduň birinji prezidenti Saparmyrat Nyýazowyň doglan gününe gabat gelýär.
Türkiýäniň prezidenti Rejep Taýyp Erdogan zenanlaryň zorlanmagyny ýurduň "ganaýan ýarasy" diýip atlandyrdy. 20 ýaşyndaky Özgejan Aslan diýen gyzyň zorlamaga synanyşan adam tarapyndan pyçaklanyp öldürilmegi ýurtda uly nägileligi döretdi.
Ukrain prezidenti Petro Poroşenko hökümet güýçleriniň Debaltseweden «planly we guramaçylykly» çykarylmagynyň jemlenendigini aýtdy, bu şäher ukrain güýçleri bilen orsýetçi jeňçileriň söweşiniň merkezinde ýerleşýär.
Ukrain hökümetiniň we orsýetçi separatistleriň söweş liniýasyndan agyr ýaraglaryny yza çekip başlamagy ilkibaşdan şowsuzlyga uçrady. Ýurduň gündogarynda söweşler dowam edýär.
Türkmenistanda 14 ýyl türme tussaglygyna höküm edilen tussagyň ejesi dokuz ýyl bäri öz oglunyň yzyndan baranda öz başyndan geçirýän kynçylyklary barada Azatlyk Radiosyna gürrüň berdi.
Balkan welaýatynyň administratiw merkezi Balkanabatda täze demirýol wokzaly ulanylyşa berildi. Ak mermerden gurlan iki gatly bu binanyň şäheriň görküni bezändigi resmi maglumatlarda habar berilýär.
Ýene-de ýükle
