Tanymal özbek žurnalisti Haýrulla Hamidow türmeden boşady. Ol 2010-njy ýylda, ekstremist topar bilen ilteşikli diýlip tussag edilipdi.
Hamidow Azatlyk radiosyna Daşkent welaýatynyň Çirçik şäherindäki suduň özüni möhletinden öň, 11-nji fewralda azatlyga goýberendigini aýtdy.
2010-njy ýylyň maýynda Hamidow we ýene 18 adam yslamçy «Jyhadçylar» toparynyň agzasy diýlip, türme tussaglygyna höküm edilipdi.
Hamidowyň tussag edilmegi 2010-njy ýylyň ýanwarynda adaty bolmadyk güýçli protest tolkunyny döretdi. Hamidow Özbegistanda yslamçy radio programmasy, futbol kommentatorlygy we goşgulary bilen giň meşhurlyk gazandy.