Owgan prezidenti Aşraf Gani 22-nji martda Waşingtona ilkinji resmi saparyna barýar.
Gani bu sapary baş ýerine ýetiriji Abdylla Abdylla bilen bilelikde amala aşyrýar. Bu iki syýasatçy häkimiýete sentýabrda, häkimiýeti bölüşmek ylalaşygy esasynda geldi.
Iki lider ABŞ-nyň prezidenti Barak Obama we olary 23-nji martda Kemp Deýwidde kabul etjek döwlet sekretary Jon Kerri bilen gepleşik geçirmeli.