Ysraýyl Eýranyň ýadro programmasy boýunça dünýäniň iň kuwwatly alty ýurdy bilen ylalaşylan Tähranyň çarçuwalaýyn şertnamasyny “örän, örän howply ugurdaky ädim” diýip häsiýetlendirdi.
Ysraýylyň hökümetiniň metbugat sözçüsi Mark Regew 3-nji aprelde beren maglumatynda, Eýranyň şertnamanyň arkasyndaky “ýeke täk maksady” ýadro ýaraglaryny öndürmekden ybarat” diýdi.
“Bu [ylalaşyk] Eýrana diňe gymmatbaha ýadro infrastrukturasyny galdyrman, eýse ol Tähranyň iň bolmanda ýekeje ýadro desgasyny hem ýapmakda şowsuz bolýar” diýip, Regew belleýär.
2-nji aprelde Şweýsariýada Eýran we dünýäniň iň kuwwatly alty ýurdy Tähranyň ýadro ylalaşygynyň “möhüm parametrleri” dogrusynda ylalaşdylar.