Kremliň metbugat-wekili Dmitriý Peskow Orsýetiň prezidenti Wladimir Putiniň we Özbegistanyň prezidenti Islam Karimowyň 26-njy aprelde Moskwada geçirýän duşuşyklarynyň netijesinde ençeme dokumente gol çekiljekdigini aýtdy.
Iki ýurduň prezidentleri beýleki resmileriň gatnaşmagyndaky duşuşygynyň öňüsyrasynda ikiçäk, çäkli formatda gepleşýärler.
Putin we Karimow 25-nji aprelde-de duşuşyk geçirdiler. Peskow duşuşygyň nahar başynda “formal däl” görnüşde geçendigini aýtdy.
Islam Karimowyň Orsýete edýän iki günlük sapary ikitaraplaýyn gatnaşyklary ýaýbaňlandyrmak maksadyna gönükdirilýär. Şeýle-de prezidentleriň regional we halkara meselelerini maslahat etjekdigi habar berildi.