NATO-nyň sammitine jemlenen Günbatar ýurtlarynyň liderleri bileleşigiň Orsýetiň agressiýasynyň, “Yslam döwletiniň” toparynyň ekstremistleriniň, Britaniýanyň Ýewropa Bileleşigini terk etmek kararynyň, şeýle-de millionlarça adamy Ýewropada gaçybatalga gözlemäge mejbur eden konfliktleriň döreden kynçylyklary bilen iş salyşmaly bolandygyny aýtdylar.
8-nji iýulda “Financial Times” gazetinde çap bolan maglumatda ABŞ-nyň prezidenti Barak Obamanyň iki günlük sammit “trans-atlantik bileleşigi üçin Sowuk urşy döwründen bäri iň möhüm pursady bolar” diýip aýdandygy bellendi.
Sammitde esasy üns Orsýete gönükdiriler.
Günbatar Orsýetiň 2014-nji ýylyň mart aýynda Krym ýarymadasyny Ukrainadan basyp almagyna we 9300-den gowrak adamyň ölümine sebäp bolan konflikti başdan geçirýän gündogar Ukrainada separatistlere goldaw bermegini ýazgarýar.