Moskwa ABŞ-ny rus harby resmilerine wiza bermezlikde aýyplady. Gürrüňi gidýän resmiler Birleşen Milletler Guramasynda ABŞ-nyň raketa goranyş ulgamyny tankytlaýan rus-hytaý brifingine gatnaşmalydylar.
Russiýanyň goranmak ministrliginiň halkara gatnaşyklary komitetiniň wekili Aleksandr Ýemelýanowyň aýtmagyna görä, Moskwa bu brifinge russiýanyň baş harby ştabynyň esasy operatiw bölüminiň başlygy, general-leýtenant Andreý Tretýagyň ýolbaşçylygyndaky delegasiýany ugratmakçy bolupdyr.
“Olara wiza berilmedi” diýip, Ýemelýanow brifingiň öň ýany mälim etdi.
Russiýa bilen Hytaý uzak wagtdan bäri ABŞ-nyň raketa goranyş ulgamlaryny tankytlap gelýärler.