NATO-nyň Owganystandaky Aýgytly goldaw missiýasy regional harby ýolbaşçylaryň Kabulda geçirilen iki günlük konferensiýada terrorizme we neşe söwdasyna garşy göreşde hyzmatdaşlyk etmegi wada berendigini mälim etdi.
Missiýanyň metbugat-wekili Tom Gresback “12 ýurduň goranmak resmileri regionda terrorizme garşy göreşe taýýarlygyny tassykladylar we neşe gaçakçylygy hem beýleki serhetaşyr aladalar boýunça işleşmegiň ýollaryny maslahat etdiler” diýip, 14-nji fewralda AÝ/AR-na aýtdy.
Pakistan ýurtda söweşiji toparlaryň hereket edýändigi sebäpli Owganystanyň we ABŞ-nyň resmileri tarapyndan basyşa sezewar bolýar. Pakistan goňşy Owganystana hüjüm edýän söweşijilere pena berýändigi barada öz adyna edilýän aýyplamalary ret edýär.
Şol bir wagtda-da Brusselde ABŞ-nyň NATO-daky ilçisi Pakistany “Talybanyň” “duşmançylykly hereketlerini bes etmek üçin ABŞ, NATO bilen işleşmäge” çagyrdy.
Kabulyň günbatar ýurtlary tarapyndan goldanýan hökümeti 2014-nji ýylda NATO-nyň goşunlarynyň ýurtdan çykarylmagyndan soň “Talybana” we beýleki söweşiji toparlara garşy öz güýji bilen göreşýär.
Pul yok kartynyzy iýiñ
Aslynda Arkadagymyz bize şeýle bir ullakan bagt eçildi. Öňler neşe etmek üçin kyn günlerde birki çekimlik zat tapýardym, özem aşa gymmat bahadan . Indi bolsa türkmen TW kanallaryny açyp keýp edýän. Sizede şeýtmegi maslahat berýän. Ilki başda biraz aljyradyp titredýändir. Gorkmaň, köşeşiň 10-15 minut soň öwrenişýäňiz ildeşler. :))))