Pakistanda bir professor dine dil ýetirmekde günäli tapylandan soňra, ölüm jezasyna höküm edildi.
21-nji dekabrda Multanyň sudy Junaid Hafeezi yslama garşy pikirleri ýaýratmakda günäli tapdy.
Pakistanyň dawaly dine dil ýetirmek kanunyna laýyklykda, Hudaýa, yslama ýa-da dini şahsyýetlere dil ýetirmekde günäli tapylana dessine ölüm jezasy berilýär.
Hafeeziň aklawçysy suduň hökümine şikaýat etjekdiklerini mälim etdi.
Hafeeze ýene ýarym million pakistan rupisi, ýagny 3 müň 200 dollar möçberinde pul jerimesi hem salyndy.
2013-nji ýylda polisiýa Hafeezi Punjab welaýatyndaky uniwersitetleriniň birine sapar eden mahaly dine garşy maglumatlary ýaýratmakda güman edip saklapdy.
33 ýaşly Hafez sud diňlenişigine çenli alty ýyllap saklandy.