ABŞ-nyň Owganystan boýunça ýörite wekili Zalmaý Halilzad Pakistana eden saparynda harby ýolbaşçylara Yslamabadyň Owganystanyň parahatçylyk prosesinde möhüm rol oýnamagyny dowam etdirýändigini, Waşingtonyň uzaga çeken urşy bes etmek ugrundaky göreş tagallalaryny dowam etdirýändigini aýtdy.
ABŞ-nyň ilçihanasynyň beýanatyna görä, Halilzad we ABŞ-nyň güýçleriniň hem NATO-nyň ýolbaşçylygyndaky Owganystandaky ýardam missiýasynyň başlygy general Skot Miller Pakistanyň resmileri we general Kamar Jawed Bajwa bilen duşuşdylar.
Halilzad soňky bir hepdäniň dowamynda prezident Jo Baýdeniň administrasiýasy 1-nji maýda ABŞ-nyň goşunlaryny Owganystandan çykarmak prosesinden öň owgan hökümetiniň we "Talyban" söweşijileriniň arasyndaky gepleşikleri janlandyrmak üçin Katara sapar etdi.
Beýannamada Halilzadyň “Owganystanda adalatly we dowamly parahatçylyga tarap ösüşi çaltlaşdyrmagyň zerurdygyny” aýdandygy bellenýär. "Ilçi Halilzad Pakistanyň parahatçylyk tapgyrynda, esasanam owganlara syýasy çözgüt tapmaga we ähli taraplaýyn atyşygy bes etmäge kömek etmekde möhüm rol oýnaýandygyny" aýdypdyr.
Pakistanyň goşunynyň beren beýanatynda "özara gyzyklanma, sebit howpsuzlygy we dowam edýän Owganystanyň ýaraşyk prosesi ara alnyp maslahatlaşyldy" -diýilýär.
Halilzadyň Pakistana sapary ABŞ-nyň Döwlet sekretary Antoni Blinkeniň parahatçylyk prosesini täzeden ýola goýmak üçin täze pikirleri öňe sürendigi baradaky tassyklanmadyk habarlaryň yzýanyna gabat geldi.