Ene-atalar gullukdaky hassa ogullarynyň ‘dadyna özleri ýetişmeli’

Türkmenistanda hökmany harby gulluga çagyrylan esgerleriň horluklary, şol sanda azyk, derman ýetmezçilikleri saklanyp galýar, goşundaky kemsitmeler, esgerleriň we olaryň komandirleriniň arasyndaky 'eziş ýa agalyk medeniýeti' hem dowam edýär. Azatlyk Radiosy bilen söhbetdeş bolýan ene-atalar harby bölümlerde nähoşlan, şol sanda operasiýalary başdan geçiren esgerlere hem gerekli hemaýatyň berilmeýändigini, şol sebäpli ogullarynyň “dadyna özleriniň ýetişmeli bolýandyklaryny” aýdýarlar.