Türkmenistan ýeralma ekişine fewralda badalga berse-de, kärendeçileriň tas 90%-i tohumyň gelmegine 'garaşýar'

Türkmen häkimiýetleri ýurtda ýazlyk ýeralma we sogan ekişine badalga berlendigini baryp fewralyň ortalarynda yglan etse-de, Lebap welaýatynyň kärendeçi daýhanlary heniz köp ýerde ekişe girişilmändigini habar berýärler. Azatlyk Radiosynyň habarçysy bilen söhbetdeş bolan lebaply kärendeçiler muňa döwlet tarapyndan tohum, dökün, tehnika we suw üpjünçiliginiň kadaly ýola goýulmazlygynyň sebäp bolandygyny aýdýarlar.