Lebaply daýhanlar häkimiýetleriň gowaça ekişine girişilendigi baradaky öňe sürmesini ýalana çykarýarlar

Türkmen häkimiýetleri 23-nji martda Ahal, Balkan, Lebap we Mary welaýatlarynyň pagtaçylarynyň gowaça ekişine girişendiklerini yglan etdiler. Emma lebaply daýhanlar şol gün döwlet telewideniýesinde hamala gowaça ekişine badalga berilendigi baradaky reportažlar üçin üç gün öňünden ýazgy edilendigini we birnäçe günläp ýagan güýçli ýagynlaryň netijesinde ýurduň gündogar welaýatynyň köp sebitlerinde meýdanlaryň entek ekişe asla-da taýýar edilmändigini bellediler.