Birleşen Milletler Guramasynyň (BMG) medeniýet meseleleri boýunça edarasy, ÝUNESKO, Russiýanyň Ukraina goşun girizmeginden bäri medeni taýdan ähmiýetli azyndan 53 sany desga zeper ýetendigini aýdýar.
Bu binalaryň arasynda 29 sany kilise, 16 sany taryhy bina, dört muzeý we dört ýadygärlik bar diýip, ÝUNESKO-nyň baş müdiriniň medeniýet boýunça orunbasary Ernesto Ottone Ramirez 1-nji aprelde Parižde aýtdy.
“Bu gutarnykly sanaw däl, ýöne bar bolan iň soňky sanaw. Biziň hünärmenlerimiz ýene bir topar habary tassyklamagy dowam etdirýärler” diýip, metbugat sekretary AFP-de sitirlendi.
ÝUNEKSO özünde bar bolan emeli hemra suratlarynyň hem-de şaýat hasabatlarynyň çekilen zyýany tassyklaýandygyny aýdýar.