Maryda ýangyn howpsuzlygy işgärleri barlag geçirýär, jerime ýazmak we para almak 'möwjeýär'

Şu günler Mary welaýatynyň Polisiýa müdirliginiň Ýangyn howpsuzlygy bölüminiň işgärleri durmuş maksatly desgalara, hojalyk jaýlaryna we hususy eýeçilikdäki dükanlara aýlanyp, ýangyn döredip biljek enjamlary barlaýarlar. Ýaşaýjylar işgärleriň bu barlaglary ilatdan para almagyň ýene bir guralyna öwrendigini aýdýarlar. Bu barlaglar türkmen hökümetiniň güýz-gyş ýyladyş möwsümine taýýarlyk işini maslahat etmeginiň yz ýanyna gabat geldi.