Şu ýylyň fewral aýynda Senagatçylar we telekeçiler birleşmesiniň agzalaryna deriniň, gönüň we ýüňüň daşarky bazarlarda ýerlenmegini düzgünleşdirmek üçin ilatdan deri we ýüň önümlerini çig mal görnüşinde ýygnap almaga hem-de satmaga ygtyýar berlipdi.
Türkmenistanyň prezidentiniň 5-nji fewralda gol çeken kararynyň agzalan önümleri daşarky bazarlarda satyp, ýurduň maliýe girdejilerini köpeltmek maksadyny öz öňünde goýýandygy resmi maglumatlarda habar berildi. Şeýle-de bu çäräniň maldarçylaryň girdejilerini artdyryp, maldarçylyk pudagyny ösdürjekdigi aýdyldy.
Eýse, bu karar iş ýüzünde nähili amala aşyrylýar?
Azatlyk Radiosy bu sorag bilen gyzyklanyp, Aşgabatda ýaşaýan ýazyjy Amanmyrat Bugaýew bilen söhbetdeş boldy.