Azatlyk Radiosynda Türkmenistan bilen bagly syýasy-ykdysady, sosial-medeni täzelikler barada taýýarlanýan gündelik makalalary okap, wideolara we fotosergilere tomaşa edip bilersiňiz.
Aşgabatda “Aziada-2017” oýunlarynyň resmi tumary hökmünde ýaşyl reňkli alabaý saýlandy.
Birleşen Ştatlaryň prezidenti Barak Obama 10-njy ýanwarda geçiren hoşlaşyk çykyşynda ýurdy öňküsinden has güýçli ýagdaýa getirip, wezipesinden gidýändigini, emma amerikanlaryň Amerikanyň maksat we güýç birligini dargatmaga howp abandyrýan ýiti bölünmäni ýeňip geçmegi üçin köp işlemeli boljakdygyny aýtdy.
Aşgabatda mundan birnäçe aý ozal açylyp, ulanyşa berlen täze aeroport çöküp başlady diýip, Azatlyk Radiosynyň ýurt içindäki çeşmeleri maglumat berýärler.
Türkmenistanda türkiýeli dinçi Fethullah Gülen bilen ilteşiklidigi öýdülýän azyndan iki sany biznesmene suduň hökümi çykaryldy.
Tähranda Eýranyň öňki prezidenti Ali Akbar Haşemi Rafsanjanini jaýlaýyş çäresi geçirildi.
Ýerewanda türkmen we eýran wekilleriniň hem gatnaşmagynda özara umumy, şol sanda energiýa üpjünçilik proýektleri barada maslahat edildi.
Aňtaw gulluklary Birleşen Ştaytlaryň prezident saýlawyna täsir etmäge gönükdirilen kiber hüjümleri Orsýetiň prezidentiniň buýrugy boýunça amala aşyrlypdyr diýen netijä gelenlerinden soňra, prezident Barak Obama bu hüjümleriň we berilen nädogry maglumatlaryň demokratlara etjek täsirine özüniň “kembaha” garandygyny aýtdy.
Türkmenistanyň Daşary işler ministrligi Aşgabatda geçirilmeli “Aziada-2017” oýunlaryna görülýän taýýarlyklar bilen “dünýä jemgyýetçiligini tanyşdarmaga” gönükdirilen çäreleriň Meýilnamasyny taýýarlady.
Eýranda öňki prezident Akbar Haşemi Rafsanjaniniň hatyrasyna üç günlük ýas yglan edildi. Rafsanjani 8-nji ýanwarda 82 ýaşynda aradan çykdy.
Balkanyň Türkmenbaşy şäherinde çilim satyn almakçy bolýan aýallardan, ýerli Narkologiýa bölüminden ýörite güwänamany almak talap edilýär diýip, “Türkmenistanyň Alternatiw habarlary” neşiri maglumat berýär.
Teolog Abdullah Hito geçen ýylyň güýz paslynda "BASF" firmasynyň Düsseldorfdaky önümçilik kärhanalaryna aýlanyp görüp, sabyn, şampun we sowadyjylaryň öndürilişi bilen gyzyklanýar.
«Türkmenistanyň Alternatiw täzelikleri» proýekti ýedinji ýanwarda türkmenistanly graždan žurnalist Saparmämmet Nepesgulyýewiň tussag edilenine laýyk bir ýarym ýyl dolýandygyny ýatladyp, türkmen häkimiýetlerini onuň işine gaýtadan seretmäge we žurnalisti azat etmäge çagyrýar.
Orsýetiň harbylarynyň Siriýadaky goşunlaryny çykaryp başlandygyny Orsýetiň baş harby ştabynyň başlygyna salgylanyp, media serişdeleri habar berýärler.
Şu ýylyň 1-nji ýanwaryndan başlap, Türkmenistanda hususy telekeçileriň öz bank hasaplaryndaky pullaryny ýerli manada nagtlaşdyryp bilýän mukdaryna çäklendirmeler girizildi.
"Geljekde grawitasiýa tolkunlary biziň kosmosa açylan täze penjirämiz bolar" diýen sözden ugur alan " Science" žurnaly, LIGO detektoryndan peýdalanmak bilen grawitasiýa (özüne çekmek, bütindünýä dartylyş) tolkunlarynyň äşgär edilmegini ýylyň açyşy diýip yglan edýär.
Birleşen Ştatlaryň gizlin gulluklarynyň ýokary derejeli resmileri 5-nji ýanwarda Senatda boljak diňlenişikde, ýurduň prezidentlik saýlawlaryna goşulmak boýunça kiber kampaniýasyna Orsýetiň güman edilýän gatnaşygy barada çykyş ederler.
2017-nji ýylyň birinji ýarymy üçin Türkmenistanyň milli neşirlerine ýazylan raýatlara ýylyň başyndan bäri gazet-žurnallar gowuşmaýar.
Daşogzuň “Maslahat” daýhan birleşiginiň obalarynyň ýaşaýjylary özleriniň agyz suwy hajatlaryny kanagatlandyrmak üçin 5-6 kilometr ýoly söküp, daýhan birleşiginiň merkezine gatnap, 3-4 günlük içjek suwuny plastik gaplaryna dolduryp daşamaly bolýarlar.
Türk häkimiýetleri özleriniň Täze ýyl gijesinde Stambulyň gijeki klubynda gyrgynçylyk eden adamyň şahsyny anyklandyklaryny aýdýarlar, prezident Rejep Taýyp Erdogan bolsa şu pursatda ýurduň «terrorçylara» tabyn bolmajakdygyny jar etdi.
Türkmenistanyň Saýlawlary we sala salşyklary geçirmek baradaky Merkezi topary şu ýylyň 12-nji fewralynda geçiriljek prezidentlik saýlawlaryna bagyşlap, ýörite websaýty ýola goýdy.
Ýene-de ýükle
