Türkmenistanda 1-nji iýuldan hususy awtoulag eýelerine berlip gelen mugt ýangyjyň ýatyrylmagy resmi taýdan güýje girýär.
Bu ulagly adamlaryň her ýylda iki gezek alýan ýangyç talonlaryny indi almajagyny we benzini döwlet bahasyndan satyn almaly boljagyny aňladýar.
Ýurt içinden gowuşýan habarlarda aýdylmagyna görä, bu düzgün eýýäm hususy taksilerdäki nyrhlaryň ýokary galmagyna sebäp bolupdyr.
Azatlyk radiosy bu täzelik bilen gyzyklanyp, ýerli synçy Amanmyrat Bugaýew bilen söhbetdeş boldy.
