Azatlyk Radiosynda Türkmenistan bilen bagly syýasy-ykdysady, sosial-medeni täzelikler barada taýýarlanýan gündelik makalalary okap, wideolara we fotosergilere tomaşa edip bilersiňiz.
Azat Ýewropa/Azatlyk Radiosynyň Türkmen gullugynyň we beýleki garaşsyz media serişdeleriniň habarçysy Saparmämmet Nepesgulyýewiň tussag edilmeginiň bir ýyllygy mynasybetli, AÝ/AR-sy žurnalistiň türmeden boşadylmagyna çagyryş edýän halkara guramalaryň hataryna goşuldy.
"Biz musulmanlaryň Ýewropany basyp almagyna pursat bermeli däldiris" diýen sözi aýdan Norbert Hoferiň Awstriýanyň prezidenti bolaýmagy gaty ähtimaldy. Maý aýynda geçirilen saýlawlarda onuň gaty az aratapawut bilen şowsuzlyga uçrandygy mälim edildi.
"Human Rights Watch" guramasynyň wekili Hýu Williams halkara jemgyýetçiliginiň türkmen häkimiýetleriniň Azatlyk Radiosynyň habarçysy Saparmämmet Nepesgulyýewi boşatmagyna umyt baglanýandygyny aýtdy.
Belarusyň Brest şäherinden Polşanyň serhet şäheri Terespola geýlän otly her gün adamdan dolup gelýär. Adatça, üç-dört wagonly otlynyň indi sekiz wagony bar.
ABŞ-nyň iň uly musulman guramalarynyň biri bolan Amerikanyň yslam gatnaşyklary geňeşiniň (CAIR) bildirmegine görä, 2012-nji ýyldan bäri 300 müňden köpräk musulman saýlawçy hasaba durupdyr.
Komissiýa Blair amerikan prezidenti Jorj Buşa bolan ynama daýanyp, çozuşdan sekiz aý öň "näme bolsa-da, men siz bilen bolaryn" diýip, Yrakdan abanyp duran howpuň ýokdugyna garamazdan, Beýik Britaniýany urşa girizdi diýip netije çykarýar.
Saud Arabystanynda janyndan geçen bombaçy musulmanlaryň iň mukaddes ýerleriniň birine hüjüm edip, dört sany saudy howpsuzlyk resmisini öldürdi.
Türkiýe Siriýada "Yslam döwleti" atly ekstremistik toparyň garşysyna barýan söweşde Moskwa bilen hyzmatdaşlyk etmegi teklip etdi.
Bagdadyň mähelleli söwda etrabyna edilen bombaly hüjümiň yzýany, Yrakda üç günlük ýas yglan edildi. Janyndan geçen bombaçynyň eden şol hüjüminde 119 adam öldi we başga-da 200-e golaýy ýaralandy.
"Master of None" komediýa serialynyň režissýory we onuň tanymal baş gahrymany, 33 ýaşly Aziz Ansari geçen hepde New Ýork Times gazetinde bir makala bilen çykyş edip, syýasatçylaryň musulmanlara garşy tutumlarynyň hut özüne we maşgalasyna oňaýsyz täsir ýetirýändigini nygtady.
Parahatçylyk boýunça Nobel baýragynyň eýesi, Holokost gyrgynçylygyndan aman galan Eli Wizel 87 ýaşynda aradan çykdy diýip, Ysraýylyň Ýad Waşem muzeýi 2-nji iýulda habar berdi.
Günbatar habar çeşmeleriniň bir türk resmisine salgylanyp beren maglumatyna görä, 28-nji iýunda Stambulyň Atatürk aeroportuna hüjüm edenleriň arasynda Özbegistanyň, Gyrgyzystanyň we Orsýetiň raýatlary bar.
ÝB liderleri Britaniýa geçen hepde bileleşigi terk etmek kararyna geleninden soň tapgyr ikinji gün Bileleşigi berkitmek we Angliýanyň çykyşynyň esaslaryny taýýarlamak barada maslahat etdiler.
2015-nji ýyldan bäri Azatlyk Radiosynyň Türkmen gullugy bilen işleşýän Saparmämmet Nepesgulyýew öz düşüren suratlary we gysga wideomateriallary arkaly diňleýjileri ýerli ilatyň durmuşyndan senzurasyz habarlar we maglumatlar bilen üpjün edip geldi.
Stambulyň “Atatürk” adyndaky halkara aeroportynda partlama boldy. Türkiýäniň iň uly aeroportynda ýüze çykan hadysada 41 adamyň ölendigi, 239 adamyň ýaralanandygy habar berilýär.
NATO ýaranlygyndaky döwletleri goramak boýunça geljek hepde geçjek möhüm sammitiň öňýanynda, Birleşen Ştatlaryň Orsýetdäki ilçisi Moskwanyň NATO-nyň maksatlary baradaky aladalaryny köşeşdirmäge synanyşdy.
Britaniýa Ýewropa Bileleşiginden çykmak barada ses bereli bäri ýurduň maliýe ministri bazarlary köşeşdirmäge synanyşýar. Ýewropa Bileleşiginiň we Birleşen Ştatlaryň ýokary derejeli resmileri bolsa "Breksitiň" ýetirmegi mümkin zyýanlaryny çäklendirmek barada elden gelenini edýärler.
Kadyrow fondy siriýaly garyp-gasarlara 120 tonna nahar paýlamakçy. Çeçenistanyň baştutany Ramzan Kadyrowyň kakasy Ahmet Kadyrowyň adyny göterýän haýyr-sahawat fondy oraza aýynda Siriýanyň dürli ýerinde 120 tonna nahar paýlamagy göz öňünde tutýar.
Türkmenistanyň Ministrler kabinetiniň başlygynyň orunbasary, daşary işler ministri Reşit Meredow Owganystanyň Türkmenistan bilen serhetleşýän welaýatlaryna sapar edýär.
Britaniýa özüniň taryhy referendumynda Ýewropa Birleşiginiň düzüminden çykmak barada ses berdi diýip, britan mediasy maglumat berýär.
Ýene-de ýükle
