Azatlyk Radiosynda Türkmenistan bilen bagly syýasy-ykdysady, sosial-medeni täzelikler barada taýýarlanýan gündelik makalalary okap, wideolara we fotosergilere tomaşa edip bilersiňiz.
Ukrainada aslyýetinde gowşak parahatçylyk ylalaşygyny gaýtadan ýola goýmaga gönükdirilen gepleşiklerde birneme ilerleme bolan hem bolsa, gazanylan aýratyn uly bir üstünlik ýok.
Bileleşigiň bu programmasy ýokary bilimli zenanlaryň ylmy işleri goramagyna niýetlenendir. Gurama bu ugurda ähli çykdaýjylary öz üstüne alýar.
ABŞ-nyň “Respublikan” partiýasynyň agzalaryndan baýry hökümet işgärlerinden we alymlardan ybarat 60 töweregi ekspert, prezidentlige dalaşgär bolmaga dyrjaşýan Donald Trumpyň garşysyna herekete geçdiler.
Idegi özüne ynanylan dört ýaşlyja gyzjagazy öldürenlikde aýyplanýan we çaganyň kesilen kellesini Moskwanyň bir köçesinde bulaýlap gezen özbegistanly eneke bu işi etmegi özüne "Allanyň buýrandygyny" aýtdy.
ABŞ-nyň Harby howa güýçleri özüniň futuristik B-21 kysymly uzak aralyga uçýan bombalaýjy uçarynyň taslamasyny köpçüligiň dykgatyna hödürledi. Söweş uçary "Northrop Grumman" atly firma tarapyndan öndüriler.
Häzirki netijeleriň görkezmegine görä, 2016-njy ýylyň saýlaw kampaniýasynda ses berişlik üçin iň möhüm gün hasaplanýan "super sişenbede" deslapky saýlawlarda ýeňiş gazananlar respublikanlardan Donald Trump, demokratlardan hem Hillary Klinton.
Ors häkimiýetleriniň 29-njy fewralda aýtmagyna görä, arktik käninde 36 adamynyň ölümine sebäp bolan ýerasty partlama geleňsizlikden ýa aldawdan däl-de, tebigy sebäpler netijesinde bolupdyr.
Leonardo DiCaprio "Oscar" baýragyna mynasyp görüldi. Aktýor bu baýraga häzire çenli bäş gezek dalaş edipdi. 28-nji fewralda Los-Anjeles şäherinde 88-nji Akademiýa baýraklaryny gowşurmak üçin dabara geçirildi.
Eýranda 26-njy fewralda geçen saýlawlaryň jemleýji netijeleri belli bir derejede aram hasaplanýan prezident Hassan Rohani bilen onuň ýaranlarynyň täsirli Ekspertler mejlisinde köplük orny gazanandygyny görkezýär.
Moskwada polisiýa bir dört ýaşly çaganyň kesilen kellesini bulaýlap görkezen bir aýaly tutdy. Häkimiýetler onuň çaga seretmek üçin hakyna tutulan enekedigini aýdýarlar. Zenan men terrorist diýip gygyran pursaty wideo düşürilipdir.
Bu soňky ýyllarda Täjigistanyň Jyllyköl etrabynda ýaşlaryň arasynda bolan üçünji şeýle wakadyr. Ol türkmen gyzy, hossarlarynyň aýtmagyna görä, geçen ýyl 11-nji klasy gutarmaly ekeni. Ýöne ol jorasynyň toýuna gatnaşmaga rugsat berilmändigi üçin, öz janyna kast edipdir.
“Facebook” kompaniýasynyň uzak wagtdan bäri synagdan geçirýän “Reactions” emosiýalaryndan indi sosial ulgamyň ulanyjylarynyň ählisi peýdalanyp biler.
Nižni Nowgorod ýeparhiýasynyň bir firma 300 müň rubl bergisi bar. Ýöne dini dolanşygyň bu bergisini tölemäge gurby çatmaýar. Kazyýet bolsa, pul bergisiniň doga bilen üzlüşmegine rugsat beripdir.
Eýranda geçirilen saýlawlardaky sesleriň 90%-niň sanalmagy netijesinde prezident Hassan Rohaniniň reformaçy ýaranlarynyň ýurduň 290 orunlyk Paralmentine Tährandan dalaş eden ähli 30 kandidatynyň hem ýeňendigi yglan edildi.
Eýranda ýurduň Parlamentine we Ekspertler assambleýasyna geçirilen saýlawlardan soň, häzir sesleri sanamak işleri geçirilýär.
Russiýada Kremliň ýiti tankytçysy bolan Boris Nemtsowyň öldürilmeginiň ýyl dönümine gabatlap, Moskwada ýöriş geçirmek üçin taýýarlyklar görülýär.
Gyrgyzystanda yaş estrada aýdymçylarynyň algaba köpçüligi namaz okaýarlar. Hat-da olaryň käbiri yslama ters hasaplap sahna çykmagy goýbolsun edipdir.
Eýranyň ýokary ruhany lideri Aýatolla Ali Hameneýi ýurduň raýatlaryna ýüzlenip, 26-njy fewralda başlanan saýlawlara işjeň gatnaşmaga çagyrdy.
Özbegistanyň Jyzak etrabynyň 1-nji kazyýetinde Aramais Awakýanyň sud işine garamak maksady bilen nobatdaky jemlenişik geçirildi. Ol yslam ekstremizmi we Özbegistanyň kanuny döwlet esaslaryny üýtgetmäge synanyşmak ýaly gaty agyr jenaýatlarda aýyplanýar.
Awstriýa we onuň Balkandaky goňşulary serhet gözegçiligini güýçlendirmek barada ylalaşdylar we öz döwlet araçäklerini doly ýapmaklarynyň ähtimaldygyny duýdurdylar.
Ýene-de ýükle
