Azatlyk Radiosynda Türkmenistan bilen bagly syýasy-ykdysady, sosial-medeni täzelikler barada taýýarlanýan gündelik makalalary okap, wideolara we fotosergilere tomaşa edip bilersiňiz.
Azatlygyň baýry habarçysy Soltan Açylowa zorlukly hüjüm edilmeginden iki gün ozal Türkmenistanyň Daşary işler ministrliginiň ýurtda Azat Ýewropa/Azatlyk Radiosynyň žurnalistlerine yzygiderli basyş edilmeýändigini öňe sürüp eden çykyşyny AÝ/AR ýazgarýar.
Özbek hökümeti Özbegistanda mejbury zähmetiň doly soňuna çykmak barada perman çykardy.
Häkimiýetler Balkan welaýatynyň Serdar etrabynda öňi 77-lik bilen başlaýan awtoulaglaryň döwlet beglilerini ýygnaýarlar. Türkmenistanda “owadan” belgili awtoulaglaryň sanlary boýunça girizilýän täze çeklendirmeleriň maýyň aýagyna ýa-da iýunyň birinji on günlügine çenli tutuş ýurda ýaýylmagyna garaşylýar.
Ysraýylyň harbylary Golan beýikliklerine edilen 20 çemesi raketaly zarbanyň yz ýany, Eýranyň Siriýadaky harby nokatlarynyň “onlarçasyny” nyşana alandygyny aýtdy.
5-nji maýda Türkmenistanyň döwlet eýeçiligindäki habar agentligi II Jahan urşunda gazanylan ýeňşiň 73 ýyllygy mynasybetli Aşgabat şäher häkimliginiň “Mekan” köşgünde urşuň yzynda galanlary hormatlamak dabarasynyň geçirilendigini hem-de uruş weteranlaryna prezidentiň adyndan pul sylaglarynyň, gymmat bahaly sowgatlaryň gowşurylandygyny habar berdi.
Birleşen Ştatlaryň prezidenti Donald Trampyň Eýran bilen gelnen ýadro ylalaşygyndan çykmak baradaky kararyna Eýran gaharly reaksiýa görkezse, ýewropa hökümetleri bu möhüm geleşigi saklap galmaga synanyşýarlar.
Azatlyk Radiosynyň Türkmenistandaky habarçysy Soltan Açylowa ýene bir gezek hüjüm edilip, ol raýat eşigindäki adamlar tarapyndan saklandy.
Daşoguzyň merkezinde açylmagy ahmal bolan özbek dilinde bilim berýän mekdebe okuwçy saýlamak üçin sebitde mekdebe çenli we mekdep okuwçylaryny hasaba almak işleri geçirilýär. Hususan-da, özbek we gazak maşgalalarda hasaba alyş işleri göze ilýär. Bu barada Azatlygyň welaýatdaky çeşmesi habar berdi.
“Guardian” gazetiniň ýazmagyna görä, Şwesiýanyň iň meşhur milli nahary bolan kotleti aslynda şwesiýalylara däl, eýsem türklere degişlidigini şwedleriň resmi görnüşde ykrar etmegi türkleri diýseň begendiripdir.
ABŞ-nyň prezidenti Donald Tramp Birleşen Ştatlaryň 2105-nji ýylda baglaşylan Eýranyň ýadro ylalaşygyndan çykýandygyny mälim etdi.
7-nji maý güni BMG-niň Ženewadaky edarasynda guramanyň Adam hukuklary geňeşiniň Ähliumumy syny boýunça Işçi topary Türkmenistanyň adam hukuklary babatynda öz üstüne alan borçnamalarynyň ýerine ýetirilişi dogrusyndaky milli hasabatyny diňledi. Türkmenistanyň wekilçilik toparyna ýurduň daşary işler ministriniň orunbasary Wepa Hajyýew ýolbaşçylyk etdi.
Aşgabadyň bazarlarynda we söwda nokatlarynda satylýan Gazagystanda öndürilen unlaryň bahasy ozalkysyndan gymmatlady. Geçen hepdäniň ortalaryndan başlap, gazak unlarynyň 1 kilogramynyň bahasy 6 manat 50 teňňeden satylýar.
Ermenistanyň parlamenti sesleriň 59-42 gatnaşygy bilen protest lideri Nikol Paşiniýany premýer-ministr wezipesine saýlady.
Lebap welaýatynyň birnäçe obasyndan Azatlyk Radiosy bilen habarlaşan daýhanlaryň aýtmagyna görä, ýerli häkimiýetler etraplarda adamlary zor bilen ýüpek gurçuk saklamaga mejbur edýärler.
Wladimir Putin 7-nji maýda Kremlde geçirilen dabarada alty ýyl möhletli täze prezidentlik wezipesine kasam edip, “halka hyzmat etmegi”, olaryň ýaşaýyş derejesini gowulandyrmagy we özüniň “beýik ýeňişleriň hem gahrymançylyklaryň” ýurdy diýýänini goramagy wada berdi.
Saparmyrat Nyýazowyň ýurda baştutanlyk eden döwründe, beýleki welaýatlaryň hatarynda Daşoguz welaýatynda-da bina edilen “şa mülküň” häzirki wagtda emeldarlaryň “eşrethanasyna” öwrülendigini Azatlygyň çeşmesi 7-nji maýda ýurduň demirgazygyndan habar berdi.
2017-nji ýylyň sentýabr aýynda Aşgabatda geçirilen Ýapyk binalarda we söweş sungaty boýunça V Aziýa oýunlarynda ýeňiji bolan käbir türkmenistanly türgenleriň baýraklary yzyna alyndy.
BMG-niň Ženewadaky edarasynda Türkmenistanyň adam hukuklary babatynda öz üstüne alan borçnamalarynyň ýetirine ýetirilişi dogrusyndaky milli hasabaty diňlenýär.
Ýakynda Azatlyk Radiosynda Türkmenistanyň edara-kärhanalarynda işleýän zenanlaryň we okuwçy gyzlaryň daşky egin-eşiklerine resmiler tarapyndan çäklendirmeleriň girizilendigi baradaky habarlaryň ýaýramagnyň yzýany, bu çäklendirmeleri berjaý etmedik zenanlaryň işden kowulmagy, hem-de jerimelere sezewar edilmegi ýaly faktlaryň bardygy barada hem maglumatlar peýda boldy.
Aşgabatda şahsy awtoulaglarynda lisenziýasyz, ýagny rugsat haty bolmazdan kireý edýän raýatlar barada gözegçilik güýçlendi. Bu barada “Hronika Türkmenistan” neşiri habar berýär.
Ýene-de ýükle
