Azatlyk Radiosynda Türkmenistan bilen bagly syýasy-ykdysady, sosial-medeni täzelikler barada taýýarlanýan gündelik makalalary okap, wideolara we fotosergilere tomaşa edip bilersiňiz.
Türkmenistanda gara we beýleki goýy reňkli ulaglaryň gadagan edilmegi bilen, awtomobilleri ak reňke boýamak hyzmatlarynyň bahalary hem göz-görtele ýokarlandy.
Germaniýanyň Maks Plank ornitologiýa institutynyň direktory, professor Manfred Gar prezident G.Berdimuhamedowa sebitde guşlaryň goralyp saklanmagyna we köpelmegine döredilen şertler üçin sylag we sertifikat gowşurdy diýip, TDH habar berýär.
Howpsuzlyk gulluklary Daşoguz welaýatynda dine uýup, onuň düzgünlerini berjaý edýän adamlary basyş astynda saklaýarlar, diýip Azatlygyň welaýatdaky çeşmesi ýerli ýaşaýjylara salgylanyp habar berýär.
Ermenistanda hökümet başyndaky Respublika partiýasy 8-nji maýda parlamentde geçiriljek saýlawlarda premýer-ministriň wezipesine Paşinianyň kandidaturasyny goldajakdygyny aýdansoň, ýurtda geçirilýän protestleriň ýolbaşçysy Nikol Paşinian üç hepdeden bäri dowam edýän demonstrasiýalarda säginmäge çagyrdy.
Daşoguz welaýatynyň Özbegistan bilen araçäkleşýän käbir etraplarynda serhet boýlaryna golaý gurlan jaýlar üstümizdäki tomus ýumrular.
2-nji maýda ýüzlerçe adam protest lideri Nikol Paşiniýanyň umumy iş taşlaýyş geçirmäge eden çagyryşyndan soň, Ermenistanyň paýtagty bilen esasy aeroporty birleşdirýän uly asfalt ýoly böwetledi.
Hytaýyň Şenžen şäherinde pyýadalar gyzyl çyra ýananda, ýoly kesip geçmekden saklanýarlar. Munyň sebäbi bolsa şäheriň köçelerinde gurnalan adamy ýüzünden tanaýan kameralardyr.
Türkmenistanda orta we umumy bilim berýän mekdepleriň mugallymlary, hususan-da aýal-gyzlar birmeňzeş geýim formasyna geçmäge mejbur edilýär. Bu barada Azatlyk bilen gizlinlik şertlerinde habarlaşýan daşoguzly çeşme 1-nji maýda gürrüň berdi.
Golaýda “Bedew baýramçylygyna” bagyşlanyp, Aşgabatda geçirilen dabarada Türkmenistanyň prezidenti Gurbanguly Berdimuhamedow Orsýetiň “Rossiýa 1” we “Rossiýa 24” telekanallaryna interwýu berdi. Adatça, türkmen prezidenti daşary ýurtlaryň köpçülikleýin media serişdelerine örän seýrek interwýu berýär.
Müňlerçe adam täze premýer-ministr saýlamak boýunça parlamentde barýan ses berişlige gözegçilik etmek maksady bilen Ýerewanyň merkezine ýygnandy.
Köçelerde geçen protestler netijesinde Serž Sarkisian wezipeden çekilmäge mejbur bolanyndan soňra, parlamentde täze hökümet baştutany barada geçjek ses berişlikden öň protest lideri Nikol Paşinian öz Ýelk ýaranlygy tarapyndan resmi ýagdaýda premýer-ministr wezipesine kandidat bellendi.
Eýranyň Nebit-gaz ministriniň orunbasary Hamid Reza Araki “Eýran Yslam Respublikasy Türkmenistanyň gazyny Pakistana swap esasynda akdyrmaga taýýardygyny yglan edýär” diýdi. Bu barada IRNA habar agentligi 29-njy aprelde habar berdi.
Türkmenistanyň “Altyn asyr” ýapyk görnüşli paýdarlar jemgyýeti bilen şertnama baglaşyp, Aşgabat şäherinde köçeleriň ugrunda we käbir döwlete degişli dükanlaryň öňlerinde goýlan “Türkmen Tilsimat Hojalyk jemgyýeti” hususy kärhanasyna degişli terminallarynyň öz mobil telefonlary üçin pul töleýän müşderileriniň pullaryny ‘ogurlaýandygy’ barada maglumatlar bar.
Kabulda ýurduň Aňtaw gullugynyň golaýynda iki sany partlama boldy. Wakada azyndan 21 adam, şol sanda Fransiýanyň AFP habar gullugynyň žurnalisti hem öldi.
29-njy aprelde Türkmenistanda Bedew baýramy bellenildi we il-günüň adyndan sowgat berlip, döwlet baştutanynyň atlarynyň sany köpeldildi.
Demirgazyk Koreýanyň lideri Kim Jong Un bilen Günorta Koreýanyň prezidenti Mun Jaý-iniň arasynda (Moon Jae-in) 27-nji aprelde geçirilen taryhy sammitde liderler ýarym adany ýadro ýaragyndan azat etmäge ygrarly galýandyklaryny aýtdy.
Mary welaýatynda ilatyň ýüzbe-ýüz bolan un-çörek we iým gytçylygy dowam edýär.
Daşoguzyň bazarlarynda Samsung, iPhone, LG, Sony we şuňa meňzeş meşhurlyga eýe bolan telefonlaryň we kompýuter enjamlarynyň satuwy çäklendirildi diýip, 27-nji aprelde çeşme demirgazyk welaýatyndan habar berdi.
Ermenistanyň oppozisiýa lideri Nikol Paşinian premýer-ministr Karen Karapetýanyň özi bilen duşuşmagyndan ýüz öwreninden soň, hökümete garşy protestleri dowam etdirjekdigini aýtdy.
Ýene-de ýükle
