Azatlyk Radiosynda Türkmenistan bilen bagly syýasy-ykdysady, sosial-medeni täzelikler barada taýýarlanýan gündelik makalalary okap, wideolara we fotosergilere tomaşa edip bilersiňiz.
Birleşen Ştatlaryň prezidenti Donald Tramp Demirgazyk Koreýanyň lideri Kim Jong Un bilen geçiren 45 minutlyk duşuşygynda koreý ýarymadasyny ýadro ýaraglaryndan saplamak babatyndaky gepleşiklerde “ägirt uly üstünlik” gazanyljakdygyny çaklapdy.
Germaniýanyň, Fransiýanyň, Orsýetiň we Ukrainanyň daşary işler ministrleri gündogar Ukrainadaky konflikt barada pikir alyşmak maksady bilen 11-nji iýunda Berlinde duşuşýarlar.
Türkmenistanyň çar künjeginde daşary ýurtlardaky türkmen migrantlaryny ýurda dolamak boýunça geçirilýän çäreler dowam edýär. Häkimiýetler “köne pasportly” raýatlaryň pasportlaryny üç hepdäniň içinde täzeläp bermegi wada berýär. Olar daşary ýurtlarda Türkmenistanyň Migrasiýa hakyndaky kanunyny bozan raýatlaryň jogapkärçilige çekilmejekdigini gaýtalaýar. Bu barada Azatlygyň Türkmenistandaky habarçysy 11-nji iýunda maglumat berdi.
Türkmenistanyň Mejlisiniň altynjy çagyrylyşynyň ikinji maslahatynda, beýleki käbir kanunlar bilen bir hatarda “Oba hojalygyny ösdürmegi döwlet tarapyndan düzgünleşdirmek hakynda” Türkmenistanyň Kanunynyň taslamasy ara alnyp maslahatlaşyldy diýip, Türkmenistanyň döwlet eýeçiligindäki metbugaty ýazýar.
Jeňçiler Owganystanyň çar künjeginde ganly hüjümleri amala aşyrdy. Şondan bir gün ozal owgan hökümeti öňümizdäki hepdeden başlap, Talyban bilen ok atyşygy bes etmegi birtaraply yglan edipdi.
“Häzirki wagtda Türkmenistan ýokary galan inflýasiýanyň derejesi boýunça dünýäde ikinji ýerde durýar. Indi ol giperinflýasiýanyň bosagasynda. Bu günki günde Türkmenistanyň ýyllyk inflýasiýasynyň derejesi 294 % baryp ýetdi” diýip, Birleşen Ştatlarda ýerleşýän Jon Hopkins uniwersitetiniň professory Stiw Henki (Steve Hanke) 1-nji iýunda özüniň taýýarlan maglumatyny sosial mediada çap etdi.
Türkmenistanyň çägindäki dürli harby birikmelerde serkerdeler 2 ýyllyk çagyryş boýunça harby gullugy tamamlan esgerleriň ene-atalaryndan ogullaryny gullukdan ir boşatmak üçin 2-3 müň manat möçberinde para soraýarlar. Bu barada Azatlygyň Türkmenistandaky çeşmesi habar berýär.
Orsýetiň prezidenti Wladimir Putin döwlet tarapyndan dolandyrylýan ýyllyk sorag-jogap sessiýasyny geçirýär we ýurduň çar künjeginden göni liniýalar arkaly berilýän soraglara ençeme sagatlap jogap berýär.
Daşoguzda etiň 1 kilogramynyň bahasy 30 manada, süňksüz çylka et 45 manada çykdy. Ozallar welaýatyň çäginde etiň kilogramynyň bahasy 20 manada durýardy. Howpsuzlyk ýagdaýlary sebäpli adynyň efirde agzalmazlygyny soraýan Azatlygyň welaýatdaky habarçysy bu barada 7-nji iýunda maglumat berdi.
Türkmenistanyň Migrasiýa hakyndaky kanunyny bozup, ýurda girip-çykmak üçin zerur bolan biometriki pasporty wagtynda almazdan, köne pasportlary bilen uzak wagtdan bäri daşary ýurtlarda ýaşaýan türkmen raýatlaryna Türkmenistanda döwlet derejesinde geçirimlilik ediljekdigi, olar ýurda dolanan halatynda hiç hili jogapkärçilige çekilmejekdikleri habar berilýär.
Italiýanyň täze populist premýer-ministri Juzeppe Konte (Giuseppe Conte) öz hökümetiniň iň ileri tutýan meseleleriniň bikanun emigrantlygy soňlamak we Orsýet bilen gatnaşyklary pugtalandyrmak boljakdygyny aýdýar.
Daşary ýurtlara ýaşamak üçin göçüp gitmäge isleg bildirýän türkmenistanlylaryň sany ýokary bolmagynda galýar. Türkmen häkimiýetleri Orsýet, Birleşen Ştatlary ýaly ýurtlaryň Aşgabatdaky ilçihanalarynyň binalarynyň gabatlarynda garawullyk edip, ol ýerde dürli meseleler boýunça agzalýan ilçihanalara ýüz tutýan raýatlaryň käbirlerini polisiýa bölümlerini äkidýärler we olar bilen gürrüňdeşlik geçirýärler.
Orsýetiň prezidenti Wladimir Putin üstümizdäki ýylyň başlarynda gaýtadan prezidentlige saýlanaly bäri bir günbatar Ýewropa ýurduna eden ilkinji saparynyň öňýanynda, Ýewropa Bileleşigi bilen bolan gatnaşyklary gowulandyrmaga meýillidigini duýdurdy.
Daşoguz welaýatynda galla oragyna resmi taýdan 9-njy iýunda girişilýär. Ýöne daýhanlar bugdaýyň oraga heniz taýýar däldigini aýdýarlar. Bu barada Azatlygyň regiondaky çeşmesi habar berýär.
Pakistan Orsýet bilen umumy bahasy 10 milliard dollara barabar gaz geçiriji taslama gol çekýär diýip, Pakistanyň The Express Tribune neşiri 3-nji iýunda habar berdi.
Ministrler kabinetiniň başlygynyň oba-senagat toplumyna gözegçilik edýän orunbasary, welaýat häkimleri galla oragyna görlen taýýarlyk, gowaçalara ideg edilişi barada hasabat berdiler, emma gurak gelen ýylyň öňde goýan synaglaryndan nädip geçjekdiklerini aýtmadylar.
Türkmenistanyň prezidenti Daşky gurşawy goramagyň bütindünýä güni mynasybetli bu ulgamyň işgärlerine gutlagyny çap etdi.
Owganystanyň howpsuzlyk işgärleri Kabulda ýurduň ýokary dini organynyň ýygnagynda bomba partlap, azyndan ýedi adamyň ölendigini, dokuz adamyň hem ýaralanandygyny aýdýarlar.
26-28-nji maý aralygynda Türkmenistanyň dürli künjeginde duýulan seýrek howa hadysasy ýurtda adamlaryň gündelik durmuşyna, olaryň jan saglygyna, şeýle-de oba hojalyga we käbir infrastrukturalara oňaýsyz täsir etdi.
Türkmenistanda ýaşy 70-e ýetmedik hormatly dynç alyşdaky raýatlaryň öz pensiýa haklaryny bank şahamçalaryndan nagt görnüşinde däl-de, eýse plastik kartlarynyň üsti bilen bankomatlardan almaly edilenindän bäri, ýaşuly nesil kömek pullaryny almakda uly kynçylyklar bilen ýüzbe-ýüz bolup başlady.
Ýene-de ýükle
